Кальция глюконат

Кальций глюконаты

Кальций глюконаты

Дәрілік түрі, дозалануы

Таблеткалар, 500 мг

Ас қорыту жолы және зат алмасу. Минералды қоспалар. Кальций препараттары. Кальций глюконаты.

АТХ коды A12AA03

- кальций тапшылығы және гипокальциемия;

- тағамда кальций иондарының құрамының жеткіліксіздігі, витамин D алмасуының бұзылуы (рахит, спазмофилия, остеомаляция, постменопауза кезеңі);

- гипопаратиреоз (латентті тетания, остеопороз);

- гиперфосфатемия, созылмалы бүйрек жетіспеушілігіне шалдыққан пациенттерде;

- кальций иондарының көп мөлшерде шығарылуы (ұзақ төсек режимі, созылмалы диарея, диуретиктерді, эпилепсияға қарсы дәрілік заттарды және глюкокортикостероидтарды ұзақ уақыт бойы қабылдау аясындағы екіншілік гипокальциемия);

- магний тұздарымен, қымыздық және фтор қышқылдарымен және олардың еріген тұздарымен улану (антидот ретінде);

- кальцийге жоғары қажеттілік (жүктілік, лактация кезеңі, ағзаның қарқынды өсу кезеңі).

Қолдануды бастағанға дейін қажетті мәліметтер тізбесі

- кальций глюконатқа немесе қосымша заттардың кез келгеніне аса жоғары сезімталдық;

- гиперкальциемия;

- гиперкальциурия;

- тромбозға бейімділік;

- нефроуролитиаз;

- саркоидоз;

- жедел бүйрек жетіспеушілігі;

- жүрек гликозидтерін бір мезгілде қабылдау;

- 6 жасқа дейінгі балаларға.

Сақтықпен мына жағдайларда

- дегидратация;

- электролиттік бұзылыстар (гиперкальциемия даму қаупі);

- диарея;

- мальабсорбция синдромы;

- кальцийлік нефроуролитиаз (анамнезде);

- болмашы гиперкальциурия;

- бірқалыпты созылмалы бүйрек жетіспеушілігі;

- созылмалы жүрек жетіспеушілігі;

- кең таралған атеросклероз;

- гиперкоагуляция.

Қолдану кезіндегі қажетті сақтық шаралары

Профилактика және емдеу мақсаттағы қолдану ұзақтығын дәрігер анықтайды және орта есеппен он күннен бір жарым айға дейінгі кезеңді құрайды.

Басқа дәрілік препараттармен өзара әрекеттесуі

Тетрациклиндердің, дигоксиннің, темірдің пероральды препараттарының абсорбциясын тежейді (олардың қабылдау уақыт аралығы 2 сағаттан кем болмау қажет).

Тиазидті диуретиктер кальцийдің несеппен экскрециясын төмендетуі гиперкальциемия даму қаупін жоғарлатады.

Хинидинмен бір мезгілде қолданған кезде қарыншаішілік өткізгіштіктің бәсеңдеуі және хинидиннің уыттылығы жоғарылауы мүмкін.

Бір мезгілде этанолмен, карбонаттармен, салицилаттармен, сульфаттармен қолдану ұсынылмайды (ерімейтін және қиын еритін кальций тұздарын түзеді).

Жүрек гликозидтерін қабылдайтын пациенттерге кальций препараттарын қолдану тыйым салынады.

Арнайы ескертулер

Кальций препараттарын жүрек аурулары бар пациенттерге сақтықпен тағайындау керек. Қандағы кальций мөлшерін, жоғары дозада тағайындаған жағдайда кальцийдің несеппен экскрециясын жете бақылау қажет, әсересе балаларда. Қанда кальцийдің мөлшері 2,625-2,75 ммоль/л-ден асқан жағдайда және кальцийдің несеппен экскрециясы 5 мг/кг-нан асқан жағдайда ем тоқтатылу қажет.

Зәрде тастар жиналуына бейім пациенттерге көп мөлшерде сұйықтық ішу қажет.

Балаларда қолдану

6 жасқа дейінгі балаларға таблеткаларды қолдану ұсынылмайды.

Егде жастағы пациенттер

Дозасы ересектерге тағайындалған дозаға сәйкес келеді. Креатинин клиренсінің төмендеу мүмкіндігін ескеру қажет. Профилактика және емдеу мақсаттағы қолдану ұзақтығын дәрігер анықтайды.

Бауыр жетіспеушілігіне шалдыққан пациенттер

Бауыр функциясы бұзылған пациенттерге дозаны және қабылдау жиілігін арнайы түзету қажет етілмейді.

Бүйрек жетіспеушілігіне шалдыққан пациенттер

Бүйрек функциясы жіті зақымданған пациенттерге қолдану ұсынылмайды. Бүйрек функциясы жеңіл және орташа дәрежеде бұзылған пациенттерге дозаны және қабылдау жиілігін арнайы түзеу қажет етілмейді.

Жүктілік және емшек емгізу

Жүктілікте кальций глюконатын сақтықпен, тек күтілетін емдік әсері ұрыққа туғызатын қаупінен басым болған жағдайларда ғана қолданады. Лактация кезеңінде қолдану қажет болғанда емшек емізуді тоқтатқан жөн.

Дәрілік заттың көлік құралдарын жүргізу немесе қауіптілігі зор механизмдерді басқару қабілетіне әсер ету ерекшеліктері

Кальций глюконаты көлік құралдарын басқару және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектерге және 10 жастан асқан балаларға: 1-3 г (2-6 таблеткадан) күніне 2-3 рет. Ең жоғарғы бір реттік доза – 6 таблетка, ең жоғарғы тәуліктік доза – 18 таблетка. Емдеу курсы дәрігердің тағайындауы бойынша.

6-дан 10 жасқа дейінгі балаларға: 1,5-2 г (3-4 таблеткадан) күніне 2-3 рет. Ең жоғарғы бір реттік доза – 4 таблетка, ең жоғарғы тәуліктік доза – 12 таблетка. Емдеу курсы дәрігердің тағайындауы бойынша.

Қолдану тәсілі мен жолы

Препаратты iшке, тамақтанар алдында немесе тамақтан кейін 1,5-2 сағаттан соң қабылдайды.

Артық дозаланған жағдайда қолданылуы қажет шаралар

Симптомдары: жағымсыз әсерлерінің күшеюі.

Емі: препаратты тоқтату, құрғап кетуді және электролиттік дисбалансты түзеу, қажет болған жағдайда ілмектік диуретиктерді тағайындау. Ауыр жағдайларда, кальцийдің айтарлықтай мөлшерін перитонеальді диализ арқылы кетіруге болады. Кальциймен артық дозаланған кезде бүйрек және бауыр функциясы бұзылған пациенттерге айырықша көңіл бөлу қажет.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Сирек (≥ 1/10000-нан < 1/1000 дейін)

- жүрек ырғағының бұзылуы және брадикардия, аритмия, гиперкальциемия, асқазан-ішек жолының шырышты қабығының тітіркенуі, жүректің айнуы, құсу, іш қату, диарея, ентігу немесе тыныстың қиындауы, сананың шатасуы, үрейлену сезімі, аяқтарда ауырлық немесе әлсіздік сезімі.

Өте сирек (< 1/10000)

- аллергиялық реакциялар: тері қышуы, бөртпе, есекжем.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - кальций глюконаты 500 мг,

қосымша заттар: картоп крахмалы, кальций стеараты, тальк

Сыртқы түрінің, иісінің, дәмінің сипаттамасы

Ойығы мен сызығы бар, жалпақ беткейлі, ақ түсті таблеткалар.

Шығарылу түрі және қаптамасы

10 таблеткадан екі жағы полимермен жабылған қаптамалық қағаздан жасалған пішінді ұяшықсыз қаптамада. 250 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа (топтық қаптама) салынады.

10 таблеткадан поливинилхлоридті үлбірмен жабылған алюминий фольгадан жасалған пішінді ұяшықсыз қаптамада. Поливинилхлоридті үлбірмен жабылған алюминий фольгадан жасалған 200 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа (топтық қаптама) салынады.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Эйкос-Фарм» ЖШС, Қазақстан Республикасы, Алматы облысы, Қарасай ауданы, Елтай ауылдық округі, 71 разъезд станциясы, М. Кенжин көшесі, 4/1 телім

Тіркеу куәлігінің ұстаушысы

«Эйкос-Фарм» ЖШС, Қазахстан Республикасы, Алматы облысы, Іле ауданы, Энергетический а.о., Өтеген батыр а., Титов көшесі, №8 үй., 2

Тел: + 7 (727) 397 64 29, + 7 (727) 329 66 07

факс: + 7 (727) 250 71 78

Электронды пошта: pharm@eikos.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Эйкос-Фарм» ЖШС

Кеңсенің мекенжайы: Қазақстан Республикасы, Алматы қ., Нүсіпбеков көшесі, 32

тел: + 7 (727) 397 64 29, + 7 (727) 329 66 07

факс: + 7 (727) 250 71 78,

e-mail: pharm@eikos.kz